Sterkt varsko frå skulen og dei unge – nå må det meir enn lytting til

Ungdomsrådet snakkar ikkje med store bokstavar. Det er vel heller litt beskjedent på eigne vegner, og signaliserer at det er vanskeleg å kome med krav når ein veit at kommuneøkonomien er krevjande. Likevel er utvalsmedlemmene tydelege på kva dei meiner og kva dei vil for si gruppe. Ungdommar i Midt-Telemark ønskjer seg først og fremst betre kollektivtilbod og fleire tilsette i skulen, blant anna miljøarbeidarar som kan vere med på å skape betre miljø på skulane. For det er på skulen det skjer.