Den rare tida

Det norske samfunnet har sidan slutten av april opna gradvis opp att, etter å ha vore nesten heilt nedstengt i seks veker. Folk vender tilbake til stadig fleire arenaer, og litt etter litt blir det lov å gjere ting som normalt. Det vil seie: Det er ikkje heilt normalt. Me beveger oss fortsatt i eit landskap som er annleis enn det me er vande med. Me held meir avstand, sit ikkje så tett, kosar ikkje og samlar oss ikkje til store arrangement. Det er ei rar tid.