Skildra Midt-Telemark i musikkvideo
– Det er heilt fantastisk å ha miljø og lokale der ungdom kan utvikle seg, slik som musikkmiljøet på Akkerhaugen stasjon, seier Marjit Vinjerui Christenson (35).
Når flytta du frå Midt-Telemark?
– Eg flytta først i 2004 for å gå på Sogndal folkehøgskule, før eg flytta tilbake att i eit års tid då eg gjekk på Høgskulen på Notodden. Vidare flytta eg for å studere eit år i Kongsberg før eg fann eit studium som var riktig for meg: Landskapsarkitektur på NMBU på Ås. Etter endt utdanning har eg arbeidd som landskapsarkitekt i Oslo. Heilt sidan eg flytta har eg gleda meg over å lage musikk og spele saman med dyktige musikarar frå Midt-Telemark.
