SER PÅ GJENVINNING: Studentar frå alle studium ved universitetet blir invitert på ideverkstad om gjenvinning.
Marta Kjøllesdal
Pandemien og passiviteten
UNIVERSITETET I SØRAUST-NOREG er ein av fire organisasjonar i Bø og Sauherad som gjestar denne spalta på omgang. Dei andre er Bø sokn/ Sauherad og Nes sokn, Bø Museum og Evju bygdetun.
Sit me meir stille under pandemien? Vel, mykje tyder på det. Foreldre fortel om mindre aktivitet hos barna sine. Idrettslag registrerer store fråfallstal, og breiddeidretten har stort sett lidd gjennom heile 2020. Treningssentra slit med å halde ope og personlege trenarar står utan kundar. FHI har òg målt at befolkninga er mindre fysisk aktiv under korona-pandemien enn me var før. Det høyrest ikkje bra ut, men kanskje me kjem til å sitje mindre stille når pandemien er over? Det er freistande å håpe at me da sprett opp av stolen, men det er meir nærliggjande å tru at også nye vanar er vonde å vende. Dessutan så var me strengt tatt ikkje så veldig fysisk aktive frå før heller.
