Er vi fleire grådige her?

Nokre dagar etter joleftan med eit gåvedryss av store, fine gåver frå ynskjelista mi, tok eg meg sjølv i å tenkje over dei tinga eg ikkje fekk. Som eg fortsatt ynskte meg. Eg blei både overraska og skamfull då eg oppdaga kva eg dreiv med. Særleg fordi eg ser på meg sjølv som relativt nøysam og fornuftig. Eg vegrar meg for å erkjenne det i eige liv, men eg får kalle ein spade for ein spade – eg er grådig. Eg har ofte lyst på noko meir. Sjølvran­sakinga svir ikkje mindre no som vi er i ferd med å byggje eige hus.