– Eg saknar Gravenstein, Aroma eller Summerred i eplekasser av tre

Når flytta du frå Midt-Telemark?
– Eg flytta eigentleg alt då eg var 16 år, for å gå på musikklinja i Skien. Det var i 2009. Men det var først i 2014 at eg flytta ordentleg heimefrå og vekk frå Midt-Telemark. Då flytta eg til Oslo for å studere på universitetet. Eg har studert musikk- og litteratur­vitskap og særleg vore opptatt av songskriving og komposisjon. To gonger har eg også vore på folkehøgskule i Danmark, og i periodar innimellom har eg jobba fulltid som barista. Og så har eg møtt fine menneske på vegen og fått meg min eigen, vesle familie.