Dette var ein av dei bra husmannsplassane

I dag er den gamle plassen Kåsa (Fredsteinkåsa) delt i mange eigedomar. Men dette var lenge ein bra husmanns­plass i grenseområdet mellom Staurheim og Roe. Du finn området når du køyrer frå Staurheim og sørover mot Roe­grenda. Når du kjem til dyrka­jorda i Roegrenda ligg husestaden til det gamle Kåsa i skogkanten til høgre for bygdevegen. I dag er det fleire bustader der, og tomta nærast vegen heiter i dag Kåsa.