F
Skvallerkål – ugras, medisin- urt og matplante
EVJU BYGDETUN er ein av fire organisasjonar i Bø og Sauherad som gjestar denne spalta på omgang. Dei andre er Bø Museum, Sauherad historielag, Bø kyrkje og Sauherad og Nes sokn.
«Den der et ikkje eg!» utbraut den eldre karen, mens han med forakt peika på brødskiva si. Det var ein strålande maidag på Bygdetunet og eg hadde gjort meg flid med 40 fargerike brødskiver med Kviteseidsmør, spekeskinke og solgul eggerøre. Det var «salatbladet» han peka på, for han visste at det var skvallerkål. Dei andre pensjonistane i bussgruppa åt opp alt, med livleg prat om spennande smakar og minne frå levd liv og alt som gror. Den eldre karen hadde bruka mange timar av livet sitt til å prøve å få bukt med skvallerkålen i hagen sin.