Her har ein hesteoppdrettar, ordførar og formann i Bø sparebank budd

Løvoll (Lovald) gnr. 30, bnr. 1 ligg sør for Seljord­vegen på den siste åpne sletta før vi kjem til Sanda når vi køyrer mot Seljord. Opprinneleg låg tunet lenger sør. Det var etter at Klas Halvorsson Grave kjøpte garden i 1890 at flyttinga av garden vart gjort, nærmare den nye vegen vestover den gongen. Garden er frå 1700-talet, det var registrert bustad her i 1766, og i 1788 fins det eit delingsbrev for Løvoll. Garden høyrde til ei slekt frå 1811, fram til Klas Grave kjøpte den i 1890. Seinare har han og etterkommarar hatt garden.