SIDESPRANG: Camilla Skiaker Mælen frå Akkerhaugen er fast spaltist i Bø blad.
Hilde Eika Nesje
– Eg fekk meg ein ny hobby. Eg starta å samle på folk
Camilla Skiaker Mælen har vakse opp i Hardanger og flytta frå det eine epleheradet til det andre (Sauherad) før tusenårsskiftet var eit faktum. Ho bur på Akkerhaugen med god oversikt over aktiviteten på Norsjø. Av yrke er ho lærar, og starta karriera på Akkerhaugen Skule før ho flytta arbeidsplassen sin ut i periferien, til Gvarv Skule og vidare til Bø Skule. Ho likar å strikka, har mann og fire born og reiser med jamne mellomrom over Haukeli.
Då eg var lita, likte eg å samla på ting. Eg samla på alle slags småting, men enda til slutt opp med å samla på viskelêr. Eg hadde viskelêr forma som symaskin, søppeldunk, damehatt, bok, garnnøste og blyant for å nemna nokre. Dei hadde fine fargar, og det gav meg mykje glede å sjå på dei og stille dei ut. Viskelêra fann eg oftast i bokhandlarar. Både mor mi og eg syntest det var moro å gå innom butikkar i Odda, på Voss eller andre stader me ferdast. Eg fekk som regel lov til å kjøpa med meg eit par viskelêr om gongen.
