|
|
|
VÅR MENY Overnatting i Bø Kommunikasjonar Offentlege instansar VÊRET Korttidsvarsel Langtidsvarsel Vêrstasjonen ved Bø VGS Snørapport frå Lifjell KULTURARENAER Gullbring kulturanlegg Bø kino Bø kyrkje Bø bibliotek Kroa i Bø Bø Jazzklubb Bø museum Bø Prestegard Evjutunet Bø Frivilligsentral Bø bedehus Pinsemenigheten Soar Telemarkfestivalen Sommarlandfestivalen Sommarland
     |
 Ønskjer seg Evjudalen som møteplass for vaksne og barn. F.v. Karina Lien med Vilde (5 mnd), Kristine Haugen med Lena (2) og Sofie (6 mnd), Marit Augustinussen, Nelly Sanchez med Paula (11 mnd) og Ingebjørg Momrak med Silje (6 mnd). – Nok snakk: lag park no! Øystein Akselberg – No er det nok snakk og ingen handling. Det er så lite som skal til for å gjere Evjudalen attraktiv for småbarnsfamiliar, seier nokre mødrer i Bø. Dei saknar ein park og ein møteplass for seg og ungane sine. Fleire foreldre med småbarn har kontakta lokalavisa med bodskap om at dei saknar ein stad der ungane kan leike og som kan vere ein møtestad for både ungar og foreldre i sentrum. No ønskjer dei at kommunen sluttar å prate om tiltak og kjem igang før nok ein sommar går mot haust. Enkle tiltak Kristine Haugen, Karina Lien og Ingebjørg Momrak slår fast at Evjudalen har eit stort potensiale for å bli ein flott møteplass for både barn og foreldre i Bø. – Det er ikkje så mykje som skal til for at ungane skal trivast her. Med nokre enkle leikeapparat og ikkje minst at området blir rydda og graset slått, er mykje gjort, seier dei tre småbarnsmødrene. – Ungane vil kose seg berre dei treff andre ungar å vere saman med, seier mødrene, og meiner kommunen bør klare å få på plass nokre fleire benkar og sitjegrupper utan at det trengst utgreiingar og fleire planar for å skjøne det. – Me trur det er viktig at det finst slike møteplasser for foreldre som ønskjer å vere lenger heime med ungane sine, seier mødrene. Dei peikar på at for heimeverande er det viktig å kome seg ut og møte andre barnefamiliar i same situasjon. Skal spørje ordføraren – Kvar er parken, spør både vaksne og barn som kjem til Bø, seier Nelly Sanchez, og viser til at folk saknar ein skikkeleg møteplass i sentrum. – Det må gjerast meir koseleg her, og bli rydda opp. Kanskje vil ungdom kunne sole seg og gjere lekser her også, seier ho. Mødrene er einige om at den gamle skaterampa må vekk, og ei generell opprydding av både plen og dam må til. – Me vurderer å bruke spørjetimen til ordføraren i neste kommunestyremøte, seier Nelly Sanchez og Marit Augustiniussen, og legg til at dei vil fokusere på at no er det nok snakk og at handling må til. – «Alle» er eininge om dette så det bør ver mogleg å få folk med på dette, seirer dei to, og ivrar for både underskriftskampanjar og utspel mot politikararane i Bø. – Kom i gang med dei enkle tiltaka og ta planlegginga paralellt, er bodskapen. Publisert: 2010-06-10 02:00 Tilbake
|
Torsdag 9. september 18:20 Varg Veum Bø kino Omtale 20:20 Inception Bø kino Omtale Fredag 10. september 16:35 Toy Story 3 Bø kino Omtale Laurdag 11. september 15:40 Toy Story 3 Bø kino Omtale Sundag 12. september 15:55 Toy Story 3 Bø kino Omtale 18:15 Varg Veum Bø kino Omtale Måndag 13. september 21:00 Varg Veum Bø kino Omtale Onsdag 15. september 16:40 Toy Story 3 Bø kino Omtale 19:00 Varg Veum Bø kino Omtale LENGRE FRAM September: 16. Varg Veum |
|
