|
|
|
VÅR MENY Overnatting i Bø Kommunikasjonar Offentlege instansar VÊRET Korttidsvarsel Langtidsvarsel Vêrstasjonen ved Bø VGS Snørapport frå Lifjell KULTURARENAER Gullbring kulturanlegg Bø kino Bø kyrkje Bø bibliotek Kroa i Bø Bø Jazzklubb Bø museum Bø Prestegard Evjutunet Bø Frivilligsentral Bø bedehus Pinsemenigheten Soar Telemarkfestivalen Sommarlandfestivalen Sommarland
     |
 Gler seg til nasjonaldagen. Leiar i 17. maikomitéen, Bergit Askildt Myrjord, ber folk slutte opp om tog og andre arrangement på 17. mai. Tradisjonell 17. mai i Bø Hilde Eika Nesje Årets 17. maiprogram i Bø er lagt over ein tradisjonell lest, utan borgartog og med heradshuskonserten på plass att. – Me håpar mange kjem seg opp og ut i finstasen på nasjonaldagen og sluttar opp om dei mange arrangementa rundt omkring i bygda, seier årets leiar i 17. maikomitéen, Bergit Askildt Myrjord. Ho siktar til både fellesarrangement og tilstelningar i krinsane, og lovar god og tradisjonell underhaldning på talarstemnet, der også 100-årsjubiléet for Bjørnstjerne Bjørnson blir markert. Tradisjonelt talarstemne – Talarstemnet blir igjen arrangert før klokka seks, og i år er det generalsekretær i Mellomkyrkjeleg råd, Berit Hagen Agøy, som er hovudtalar. Det trur eg blir spennande. I tillegg blir det Bjørnson-innslag ved Anne Løhaugen og eit par småjenter, seier Myrjord. Ho kan også lokke med ungdomsappell, spretne hallingkast frå ei dansegruppe og andre kulturelle innslag. – Talarstemnet er ei fin tilstelning som har blitt heldt levande i mange år, seier ho. Ikkje borgartog Levande er derimot ikkje borgartoget som blei starta opp for to år sidan, der lag og organisasjonar saman med skulemusikken fekk høve til å gå i tog saman med russen til eit felles arrangement i Gullbring. – 17. maikomitéen har sjekka litt rundt i gruppene som me representerer og føler vel at det har vore lita interesse for å fortsetje den tradisjonen, i alle fall i år. Det vart mykje mobilisering for dette det fyrste året, men interessa dabba vel av litt i fjor. Derfor har me bestemt at me ikkje vil arrangere borgartog i år. Kva neste års komité bestemmer seg for er sjølvsagt opp til dei som sit der, seier Myrjord. Vil ha folk i toget Med bortfall av borgartoget er Bø skulemusikk sin konsert ved Heradshuset på plass att, og det synest Myrjord er triveleg, og oppmodar alle til å delta aktivt på nasjonaldagen. – Me håpar at så mange som mogleg også sluttar opp om barnetoget, både som tilskodarar og deltakarar. Me ser gjerne at folk heng seg på toget og blir med opp kyrkjebakken, avsluttar ho. Publisert: 2010-05-15 02:00 Tilbake
|
Fredag 10. september 16:35 Toy Story 3 Bø kino Omtale Laurdag 11. september 15:40 Toy Story 3 Bø kino Omtale Sundag 12. september 15:55 Toy Story 3 Bø kino Omtale 18:15 Varg Veum Bø kino Omtale Måndag 13. september 21:00 Varg Veum Bø kino Omtale Onsdag 15. september 16:40 Toy Story 3 Bø kino Omtale 19:00 Varg Veum Bø kino Omtale Torsdag 16. september 19:00 Varg Veum Bø kino Omtale |
|
